لاتسأليني سندريلا

يابنت انا لي فـي هـواك العـذب ايـام وليـال
تايه ولا اعرف وجهتي هايم ومجهول المصير
من هو انا ؟ مدري ولكن من سألنـي هالسـؤال
تسبقني العبرات واعجز عن جوابه واستخيـر
لجلك طويت البيـد بلحالـي وشديـت الرحـال
وانا على شان اوصلك اتعبت رجلي بالمسيـر
ماقول غير الله وكيلك.. بعـد ماشفـت الجمـال
وانا يصبرني على مابي من الشـوق الكثيـر
بأسبابك احلام الصبايا صـارت اوهـام وخيـال
اعذرت في كل الصبايا وانـت الأول والأخيـر
الله لو تدري عن اللي بالضلـوع العـوج جـال
ماكـان خليـت المولـع ياحياتـي يستجيـر
ايّوووه واللي جابني لـك كلـي اشـواق ودلال
لا تسأليني (سندريلا) عن كثر شوق (الأمير)
لعيونك اللـي رمشهـا بالقلـب باقـي لايـزال
سبحت في بحر الهوى لوني اخاف من الغدير
وان جيت يم اللي يبي يقربك ويطلبـك الوصـال
لبستك الياقوت والمرجـان وثيـاب الحريـر
وان ضاق صدر الليل من ناري ومن صفر الدلال
والله لخلي نارهـا تقـدح لواهيـب وسعيـر
واني لغني لـك علـى روس الطويلـه والتـلال
حتى تثنا لك نساريـن الصبـا فـل وعبيـر
واني لقول انت العزيز اللي رفع راسـي وطـال
واني لضحي بالكبير قـدام اضحـي بالصغيـر
واخلي الغيمـه تدنـق لـك واشرّبـك الـزلال
واغسل تعبنا بالهوى والعشق والحب الكبيـر
وانا لك اوفى من يمينـك فـي وفاهـا للشمـال
يامال بيض ايدينك اللي يوم اقبّلها .. تغييير !!
يافرحة ايامـي تعالـي.. او قولـي لـي تعـال
ابنتظر منك الجواب .. وتصبحين بألف خيـر

وسلامتكم

مشكووووووووووووور على الشعر الرائع


ويعطيك العافيه

مشكـــــــــــــــــــــــــــــــــــــــــور على المرور الرائع